* / / rje btsun bla ma dam pa skyes mchog 'jam dbyangs bzang po'i sku 'phreng yang srid mkhan dbon rgyu 'dzin dang bcas pa'i mdzad bzang gi snang snyan yongs su 'char ba'i chos 'byung dri mde dwangs shel gyi me long zhes bya ba bzhugs so / / / / 

phul byung gzugs sku mtshan dpes rab bkra ba / / 
dbang gzhu'i lang tsho dar ba'i sgeg chos kyis / / 
phun tshogs dge legs thugs rje nyin byed 'bar / / 
srid zhi'i sh'akya'i tog la gus phyag 'tshal / / 
ngo mtshar mdzes sdug li khri'i mdas ldan zhing / / 
blta bas mi ngoms gzhon nu'i mtshan dpe'i sku / / 
shes bya'i gnas kun 'gro la ston mdzad pa'i / / 
mkhyen rab 'jam dpal dbyangs la gus phyag 'tshal / / 
blo gsal mkhas mangs [or mngas] dbus na mngon mtho ba / / 
'gro rnams lam bzang la sbyar thub bstan bdag / 
grags pa'i phung po rab 'byams zhing kun khyab / / 
'jam mgon bla ma tsong kha pa la 'dud / / 
blo gros yangs pa'i skal bzang gdul bya'i tshogs / / 
gtsug na bsod nams ye shes 'bras bu ni / / 
legs 'dud lung gi rgyal mtshan ltar bkra ba / / 
dpal ldan bla ma'i zhabs rdul spyi bos bsten / / 
rgya mtsho'i gos can gzhir 'khod 'gro kun la / / 
rjes chags snying rjes 'khor ba'i gdung ba sel / / 
'jigs med 'jig rten dbang phyug pad dkar 'dzin / / 
thams cad mkhyen (10)pa bskal bzang rgya mtshor 'dud / / 
dam pa'i yon tan 'od snang rab gsal ba / / 
ma rungs mun gleng dkar por bsgyur mdzad pa / / 
rtsod dus bstan pa'i nyin byed rdo rje 'chang / / 
'jam dbyangs bla ma mkhas btsun bzang por 'dud / / 
de yi rjes bzung rnam thos mngon sprul pa / / 
ma rungs bdud dpung 'joms mdzad mdung dmar can / / 
sprul pa'i chos rgyal dngos su byin rlabs pa'i / / 
skyes mchog bsam gtan bzang por gus phyag 'tshal / / 
skal ldan 'gro rnams lam bzang la 'god phyir / / 
rdo rje 'chang dbang gdul bya'i rnang go dang / / 
mthun par ngur smrig 'chang ba'i tshul 'dzin pa / / 
skyabs mgon ngag dbang dkon mchog zhabs la 'dud / / 
blo bzang bstan pa'i rgya mtsho las 'ongs pa'i / / 
bslab gsum rim gnyis nor bur dga' ston gyis / / 
skal bzang 'gro la phan bde'i dpal stsol ba / / 
mchog sprul ngag dbang phun tshogs la phyag 'tshal / / 
bsod nams zla zer bye ba'i go gyon pa'i / / 
blo gros bzang po'i dpal mchog 'o ma'i mtsho / / 
mthu stobs mkhyen pa'i lbu dkar 'phreng ba'i rlabs / / 
rnam dpyod srid rtser 'gong ba gang de rgyal / / 
myur mdzad mgon po las gshin phyi nang gsang / / 
dmag zor rgyal (11)po rnam mang thos sras sogs / / 
dam can rgya mtsho srung ma'i tshogs rnams kyis / / 
'dod don lhung gyis grub pa'i 'phrin las mdzad / / / / 
 'dir mchod par brjod pa dang 'phrin las bcol ba de tsam zhig sngon du btang nas / las su bya ba gang la 'jug pa ni dpal ldan bla ma 'jam dbyangs bzang po'i rgyud 'dzin dang bcas pa'i chos 'byung mdor bsdus tsam zhig bkod pa la / / 
 de yang thog mar rgyal ba'i bstan pa rin po che 'di nyid rgya gar 'phags pa'i yul du ji ltar byung tshul dang / de la brten nas bod gangs can gyi ljongs 'dir chos rgyal lo paN 'chad rtsod rtsom gsum la mnga' brnyes pa'i dge ba'i bshes gnyen rnams kyis 'dzin skyong spel lugs ji ltar byung ba rnams ni / mdo sngags yongs rdzogs kyi mnga' bdag bu ston rin chen grub ces mtshan nyi zla ltar grags pa bu ston thams cad mkhyen pa'i chos 'byung las gsal zhing dus gsum rgyal ba spyi dang khyad par 'jam dbyangs zhi khro thams cad kyi mkhyen brtse ma lus pa gcig tu bsdus pa ngur smrig gar gyi rnam rol chos kyi rgyal po tsong kha pa yab sras rnams kyis mdo dang sngags kyi sgo nas legs par bshad pa'i bstan pa rin po che rgya bod hor sogs 'dzin ma'i khyon 'dir 'phel rgyas su mdzad tshul rnams ni 'chad rtsod rtsom gsum la mkhas pa mtshan (12)nyi zla ltar grags pa paN chen bsod nams grags pa'i zhal snga nas mdzad pa'i chos 'byung yid kyi mdzes rgyan du gsal zhing / lhag don 'phags mchog thugs rje chen po gang la gang 'dul gyi snang ngor sku'i bkod pa bstan tshul bsam gyis mi khyab pa las bod khams su dge slong ngur smrig 'dzin pa'i cha lugs su phebs pa rgyal ba thams cad mkhyen pa dge 'dun grub pa sogs rgyal ba na rim nas rgyal bstan spyi dang khyad par 'jam mgon chos kyi rgyal po tsong kha pa chen po'i bstan pa nyin mo ltar gsal bar mdzad pa 'di bzhin yin / /